Monday, 30 March 2015

Mettin da dhe whei! ha Dedh da dhe whei !

Mettin da dhe whei    Good morning to you

Do not say this after about 10 a.m.. Use Dedh da, ‘Good day’ instead.


Dedh da dhis! Good day to you! (to one person you know well)

Dedh da dhe hwei! Good day to you! (to one person or more than one)


Avoid a common mispronunciation: Whether you write dedh or dydh this word has a long vowel but some learners say “dith” with a short i sound. Draw it out to make sure.


You can also say
Durdadhe whei! Good day to you! Like Dursona, Durdadhe whei is a whole bunch of words run together.

Sunday, 29 March 2015

Nebbaz Gerriau dro tho Carnoack

Here is the original text by Nicholas Boson c. 1680

Nebbaz Gerriau Dro Tho Carnoack

Gun tavas Carnoack eu mar pu gwadn hez, uz na ellen skant quatiez tho e wellaz crefhe arta, rag car dreeg an sausen e thanen en pow idden ma an kensa, an delna ema stella teggo warno tha hep garra th tha telhar veeth buz dro tho an Aulz ha an more, el eu a va clappiez lebben oggastigh eu durt pedn an wollaz tho an karrack looez, ha tuah Pereeah ha Redruth, ha arta durt an Lizard tuah Helles ha Falmouth: ha an powna, an idna deu Codna teer ez en fester/flester (for hester or lester OP) a dro tha iggans moldeer, ha buz quarter, en po hanter an lester na; en telhar idden ma ha gul ma mouy Sousenack clappiez dre eza Curnooack, rag radden el bose keevez na el skant clappia, na guthvaz Curnooack, buz skant Denveeth buz ore guthvaz ha clappia Sousenack; rag hedna he volden (hevol dem) kallick [forsan kallisk] (for kallish OP) eue tho gweel dotha gurtaz ha dose a dro arta, rag ugge an Teez goth tho merwal akar, ny a wele an Teez younk tho e clappia le ha le, ha lacka ha lacka, ha an delna eue a vedden beha (for leha, Nance) durt Termen tho Termen. Rag an Tavaz Sousenack clappies mar da vel en telhar weth en wollaz tavaz/evez (?amez, OP) an metherwin an *****na na gu an Pobel Coth tho bose skoothez war noniel, kar dre vedno why gwellaz urt hemma dro tho an Empack Angwin an brauza/brossa ha an cotha Fratier mesk ul an clappiers Carnoack, a dewethaz rag guffiniez tho dismiggia, Gevern Anko, eue a reeg peverre war Gever, ha meskeeges dro tho Anko, eue levarraz droua Gever ul, eue a wya dro, Gevern buz nekovaz dro an geer ko dewethaz durt perhen (perh en) Ko. Tra an pa***Me a glowaz dro tha an Karack Mean Omber; rag hedna mar peth travith gwrez tho gwetha Curnooack, eue a dale bose gen kine (for rine?OP) eu ginnez ubba, ha Deskez da, kevez buz mennau (na mennau, Nance) ; rag na genz buz nebbas

buz deu po try a orama anetha, mesk an gy wonen eu gwenhez ha Deskez, drez ul an rerol a ue derarta (for deracta OP) enge polta, po vedn dose ugge va drez lirkland (for licklaud, Nance, OP) an delna eu penaveth ab peth gwrez, lebben it an scant vedna bose gwrez uggehemma, vos deshava (?dothava OP) marveer Guthvaz an l...az (leeaz OP) Tavaz pokarra tha Greckian, Hebran;...Me glowaz lever*******Markressa, an Dean deskez teer (for feer OP) na gwellaz hemma ** a venya (eue a venga OP) kavaz fraga e ouna en screffa composter, &c. Whath Hemma el mose rag bonogath leig; rag na rigga ve beska gwellaz screef Bretten Coth veeth; an letherau war an Mean beath ez en Eglez Burian na oren pendra tho weel anotha, ha Mean orrol en Madern en Gunneau Boslo henwez Mean scriffez tho an Jorna ma tegge na orren panna Letherau noniel; an peth eu gwellez gen a vee tho bose guthnethez (guthvethez OP) ha dismiggiez, eu e (lavar placed below this word) [vel forsan letherau, vide supra 1.6] Coth gwrez war cota Dean brauze/brose en Arganz hunt tho Canz bloath Coth lebben marrack en pedden West pow Densher, ha kellez (kar dre hevol) gen e Mab leean, mose tuah e Bargenteer en Pedden an wollas; eue ve kevez a dewethaz gen wonen reeg gweel Ke, ha gwerhez; an gwaz reeg e perna, a re...slanen (danen OP) tho an kensa skon******(skoren / skor* OP) an Choy na igge tri...(trigaz OP) ****nez tho an karrack glooz (looz or glaze OP) en Cooze. An Gerriau war no*****Car Dey (Deu OP) res (for dres, OP) pyb tra, lebben nebbaz kene cowzez. mar dewethaz (kar dre hevol) thera Curnooack en powna, ha lebben na gez buz nebbaz en powna an peth; (delete ; OP) ez gweel terem (them OP) [MSS. THEM, OP) Creege drevednaua dowethe akar:

Rag me a hunnen ve gennez en Collan an Powna eu an Curnooack mouyha Cowsez, ha whaeth may (ma OP) kothem penag oma buz dro tho wheeath Bloah Coth, na olgama e clappia, na skant e guthvaz; an where thera ma pedeere tho durt Seeanz a Dama tesna (?tefena OP or >tefna*) an Pobel-choy, ha an Contravagian tho clappia traveeth tho Ve buz Sousenack. Ma kothem cavaz tra an parma en lever Arlyth an Menneth dro tho e deskanz Latten. Hag ubba mar pethama kibmiez tho gweel Semblanz gun Aulsen Coth Brose:

            Parvum Haerediolum Majorum regna meorum

            Quod Proavus, quod Avus, quod Pater excoluit.

            Nebbaz gun Teer, gun Treveth, ha bean Reveth,

            Telhar a Seera, Seera...(widn, OP) hinge a weth.

...enna mose a lez tho Sc...(for scoll) ha ugge hedda mose tho Frenk, na gez ko them tho guthva meer en Tavaz Curnooack, lebna tose tha gawas tra-gweele en Bez; ha lebben thera Ma toula tho gwellaz mar pel itna oggastigh vel leez an Controvagian, ha ma them mar veer crenga rarta (for racta OP); buz na ellam ry tho tha mouy tre guffia them; rag theu e skant tounack tho bose gwellez en leeaz Gerreau, a dael bose gwrez aman durt an Latten, po an Sousenack: ha na ore den veeth durt peniel reeg an kol ma kensa dose durt an Romans meskez gen a Brittez, po ugge hedna durt an Sausen, metessen durt an dew; buz thera ma wheelaz en screefma (mar mere drel a ma) tho gurra an geerna a treneuhan ra dismiggia gun Tavaz ny senges tho rerol; ma lever vean/bean rebbam dro tho an Arlothas Curnow [This MSS. is at present in the hands of Mr.Rob. Davy of Ludgvan] skreefez rag an Flehaz nab Blethanniau a lebma, dro tho***deag warn iggans, le.....ma leverres gen...aorama dro tho an Tavaz Curnooack, Fat la eue a reeg dose t...mose a leez an Bretten, ha an Kembreeanz, ha an Curnowean, meskan gy na eue likland (for liklaud OP) dre vidna va t...gaz pel, hep merwal akar, ha dose tho travith; therama suppoga an delna tho an lita (liha OP), rag an Bretten ha an Curnowean: Voz an Frenkock feen parrez tho cummeraz wara niel, ha an Sousenack nobla war e gilla; na oravee drel an Kembreean gweel rag tho gwetha ge Tavaz; buz Me a aore hemma, urt e Hoer an Curnoack, druava talvez buz nebbaz tho bose gurrez, war barrha gen an Sousenack, an peth eue parrez tho ry polta gwel tho tha, dre gava Cummeraz durta; ha whaeh an Sousen metessen olga gawaz maga nebbaz Skeeanz vel an Brittez it ge clappia ge for, nareegan d...e drez ubba an kensa dalleth lebma gun gwel neaue ny, ha an Gwayne gun Enys da reeg ge dro tho an u whelder (uwhelder) ma... [MS quite decayed] martra wonen ve...lever ol drolga tavaz an Brittez cooth tose th...ewhelderma, a we...marpee angy maou fortidniez, thera ve ma (mar) pel durTH (durt) naha an dadn an Tavaz a Dama ha a pow, uz rag e Crenga dro ma parrez tho leverol an delna a weah, ha descunta leh dressa lever an Have an Arlothas Kernow bose kevez en dula a Flehaz ugge hemma, radden olga bose parrez tho lever ol (leverol) drerama gweel nebbaz aga a Curnoack, voz dre vengama gweel a hunnen tho bose devethez drez Maur, buz ma bose gun ollez gen panna Collan da therama leverol ul an Sompel rag an Curnooack; ha eue a dael bose Ankou e hunnen a vedden pedeere drerama creege hedna tho bose gweer eu skreefez enna, rag travith orrol buz tho gweel weez, ha lebben dru a devethez ita Brez, mea vedn gweel Duath an Skreefma durt an dewetha reem vez an Kensa Caon Horace,

            Quod si Me lyricis Vatibus inseres

            Sublimi feriam Sydera Vertce.
Mar pethum Francan-belgan me ra bose

Po car dru Sousen-Curnow vith anar vrause.

Friday, 20 March 2015

Difig an howl

Mires ort difig an howl en Kernow hedhyw.
Wrüga whei gweles difig an howl hedhyw vettin? Nag o bes radn an howl a veu cüdhys bes tewal lowr o an ebòrn na whath. Tredh eth eur ügens ha deg eur hanter, moy po le, eth o an parkow ha'n stretys en Kernow ga tewal vel sagh croust an Jyowl. Thew an kensa termyn a veu gwelys difig howl en termyn a'n gehesnos gwenton dhia dedhyow Willa Rowe, Samuel Pepys ha na orama piw whath. Ea, an diwettha termyn o e'n vledhen 1662  pa wrüg merwel an dodo ha pa veu genys an doll oles. Pandra a'n Jyowl a vedn skidnya wara nei en 2015?! 

Thursday, 19 March 2015

Piw o whei Kernöwyon? James Silk Buckingham

Piw ew James Silk Buckingham? Wos y hanow Sowsnek spladn, Buckingham a
Genys en Nankersy
veu genys en Nankersy ogas dhe Falmeth ha Penryn. Mab tiek o va ha scant nag o deskys der vaner formal en scol:  betegens e veu lettrys lowr, war an diwa, m'alja scrifa deffrans levrow ha scrifow dhe les. James eth dhe'n mor termyn veu yonk ha e veu senjys  gen an Frenkyon e'n batel a A Coruña e'n vledhen 1797. Òja hedna ev eth dhe wandra e'n Palestin ha pella e'n Araby. Ev a scrifas adro dh'y viajys mesk an Arabas en 1825. Pa veu trigys en Colcata en Eynda, ev a scrifa jornal entitlys The Calcutta Journal saw pa wrüg breujy ha damnya conduyk ha negys an East India Company en 1823, e veu gorrys mes a'n pow ha skemnys gen an governour jeneral. En gwella pres, ober an Company a veu comdempnys gen Chei an Gebmyn en Loundres ha pëys veu gweryson a 500 pens an vledhen dhe Buckingham. En Loundres na wrüg y aventur vel jornalyst soweny bes en 1832 e veu dowesys dhe voas an senedher (M.P.) rag Sheffield. Ev a gelwas war an governans dhe wil diwa dhe scurjyans an düs e'n army ha'n morlû ha dhe suppressya an lahys o tochya ys dhort powyow erol  (The Corn Laws). Ev a junyas gen an bobel a venja defendya kethneth (abolish slavery). Thew Buckingham a sayas dhe weres dhe'n mûsicyen dhort Africa, Joseph Emidy - bes nei a vedn cows dro dhe hedna whare.

Tuesday, 17 March 2015

Lev an clappyer Kernöwek, Dan Prohaska

Mar medna whei desky Kernöwek Bew gen Dan Prohaska, kewgh dhe weles an gevren-ma.
This is where you can hear good quality audio lessons by Dan Prohaska.

https://soundcloud.com/danny-prohaska/

... ha mar medna whei gweles Dan, fatel ew y favour, kewgh dh'y weles war Youtube. Ottobma dhewgh nebes geryow a veu cowys ha recordys ganjo rag an seythen Kernöwek a veu ornys gen Maga whath nag ew pell  ... ha òja Dan e vedh gwelys deffrans cowetha erol a or Kernöwek - vel Mat Clarke - ha whath tüs erol üjy o tallath an vorr.
https://www.youtube.com/watch?v=r8OCVoYzgnE


Piw o whei Kernöwyon? Elizabeth Carne

Elizabeth Catherine Thomas Carne o sciensydhes (scientist), doregores (geologist) ha bancores (banker) a veu genys en Felek (Phillack) en Kernow e'n vledhen 1817. Perhednow (owners) whelyow cober ha sten ha marchons rych o 'y herens (relatives, family) ha methodyts lel. Elizabeth a dheskas dro dhe sciens e'n laboratorys a'n whelyow lebma vedha examnys ha assayys an meyn ha'n stoff cober ha sten. Hei a scrifas adro dhe tewder (thickness, density) an meyn ha'n peth era et anjei. Tho hei an kensa benyn dhe voas amyttys vel esel an Royal Geological Society of Cornwall - ha hanow da ew Carn rag doregores! En cres an gansbledhen hei a ûsyas radn 'y mòna dhe weres dhe vohojogyon (poor folk) a'n costys-na: derevel scolyow, rag sampel. Hei a verwas en Pensans e'n vledhen 1873.
http://hypatia-trust.org.uk/2014/04/18/19th-century-hypatia-elizabeth-catherine-thomas-carne-1817-1873/

Sunday, 15 March 2015

Coos Treloyhan

An teller-ma a via oll diswres.
Gerow nei dhe sawya coos Treloyhan kens hedhy - na vo re dhiwedhes dhe wil neppeth. An coos-na ew conveyour dhe les, ter an als ha'n oon, üjy gara bestas gwels dhe dremena ha losow a'n gwel dhe lesa. Lebmyn, ma towl rag 16 chei broas a vedh re ger rag Kernöwyon a'n costys-na, heb dowt e'n cas. Ea, eneth arta, cowetha, ma'n dowlenoryon en Lys Kernow o kil drog dhe gan pow en gara an dhisplegoryon dhe wil an peth ew aga thowl heb resystens veth - ha'n bobel en Porth Ia a vedh sür dhe lacka... saw mar ten nei ha gwil dewa dhe'n hager towl.

https://you.38degrees.org.uk/petitions/save-treloyhan-wildlife-corridor?

Saturday, 14 March 2015

Glasson arta

Òja redya dro dhe Patrick 'Harry' Glasson, Mick Paynter dhort Porth Ia a dhanvonas an gwers-ma dhebm (SWF/M).

Glesin yn Spayn, mab a Rysrüdh,
                         y'n gas a'n rydh, diwedhva a bayn
                                         a'n gwaytyans heb gwayn, dhe ves dhe'n dre drüdh

Thursday, 12 March 2015

Piw o whei, Kernöwyon?: Patrick 'Harry' Glasson

Baner rüdh an soudoryon dhort Breten Veur.
Piw o Patrick 'Harry' Glasson? Comûnyst dhort Resrüdh o va neb a gemeras radn e'n gwerryans tredh an fashysts ha'n Republik en Spayn e'n bledhednyow deg warn ügens. Glasson a veu genys en Resüdh e'n vledhen 1910. Kernow o y sira ha Werdhones o y dhama. Y sira eth kerh dhe Australia pa veu bes dew vloodh. Omdowler crev ha boxesor a'n gwella o Patrick. Mab gov o  va ken moas kerh a'n pow dhe voas soudor e'n Wiltshire Regiment. Ena na wrüg ev trigas pell: ev a junyas an International Brigade ha moas dres an Chanel ha Frenk dhe Spayn lebma wrüg merwel e'n batal adro dhe Brunete, ogas dhe Madrid, en mis Gorefan 1937.
http://en.wikipedia.org/wiki/Battle_of_Brunete

Wednesday, 11 March 2015

Glas

Glas ew an derevyans-ma. Pele ma va?
Ottobma dhewgh blog (awoles) lebma ella whei redya dro dhe'n liw glas. Dar! Pana liw era vy o menya? Ma radn o supposya an ger glas dhe voas üsyes en Kernöwek, vel en Breton, rag oll an liwyow eus tredh loos ha glas ha gwer p'o cowsys a neppeth naturel (vel an ebòrn po an mor po cawl po glesyn po delkyow sevy) saw pa thera nei o medra  'ta an tavas, nag ew hedna cler, tabm veth. An ger gwer a ell boas üsyes terweythyow rag taklow naturel - vel an gwels, rag sampel - ha'n ger blou a ell boas üsyes rag liw an mor ha'n ebòrn ha kebmys a eus a'n keth liw. An ger Kernöwek, glas, ew pur ogas dhe'n ger Grek glaukos a vedh kevys obma e'n scrif:

http://blogs.nottingham.ac.uk/argonautsandemperors/2015/03/01/singing-the-blues/

Tuesday, 10 March 2015

Resrüdh


Gool Peran: En Kernow a hes an bobel gelednek a dhedh mes e'n stretys dhe dhisqwedhes aga lowena ha ga ûnita. Otta nei whath! En powyow pell a'gan costys nei, en Moonta, en Grass Valley, e'n U.P. ha en Real del Monte, en Loundres ha Tyneside thera pastys ha tesen safòrn dhe voas debrys ha canow dhe voas kenys gen kessenyans clos. Obma hag ena, thera geryow Kernöwek dhe voas cowsys gen hireth ha'n ambos dhe wil neppeth rag Kernow e'n vledhen a vedn doas. An foto teg-ma a veu denvenys dhebm dhort Resrüdh gen Gus Williams a wrüg derivas fatel o an gewar spladn ena en colon an pow. Resrüdh ha Kernow bys vycken!

Up and down Cornwall and in far away places people got together for St. Piran's Day, a celebration of Cornishness and community.


Monday, 9 March 2015

Dursona dhe whei !


Dursona dhe whei !

means "God bless you! ". We use it as a general greeting like ‘hello’. Sing it out loudly and for best effect holler it across the street. The s sounds like z.


Some more phrases with dursona:

Dursona dhe whei, cosins! Hello, cousins.

Dursona dhe whei, cowetha! Hello friends.

Tüs vas oll, dursona dhe whei! God bless you, good people all!

(tüs sounds like teaze)

Dursona dhe whei, mestres! Hello, madam

Dursona dhe whei, bednvas! Hello, ‘good woman’

Dursona dhe whei, sara wheg! Hello, kind sir

"Marners, darsona dhewgh, mars ewgh dhe Vreten, mar mednowgh moas dhe'n moar adhor an mettin, mall ew gena vy moas et agas lester genowgh..."

(Dallath an can 'Meriasek' gen Sowena.)



Saturday, 7 March 2015

Senedh Kernow

Photo of Dr Garry Tregidga
Dr. Garry Tregidga

Cowetha, lowena dhewgh. Ma ornes symposiom dro dhe Senedh Kernow gen an Fòndyans rag Studhyanjow a Kernow (ICS). Deffrans cowsoryon a vedh ena dhor an partys. Bernard Deacon a vedn cows dro dhe 'Devolûcyon en kettesten Neo-Lybral'.

Dedh: De Merher 11 Merh. Teller: Tremogh. Denvenow ger dhe onen a'n dhiw drigva-ma mar medna whei kemeres radn:

Friday, 6 March 2015

Laurence Rule

Laurence Rule ew marow, ev neb a wrüg meur a whel rag Kescowethyans an Tavas Kernöwek. Ev a varwas e'n termyn an nos òja Gool Peran. Tremenys ew an den saw y whel a vedn dürya ha na vedh nekevys genen e'n bledhednyow a vedn doas.

Wednesday, 4 March 2015

Gool Peran Lôwen dhewgh


Ott an lû!
Gool Peran lôwen re bo dhe whei oll en Kernow ha dro dhe'n bes! Thew hebma gan gool kebmyn rag 'Onen hag Oll' - an jedh rag oll an bobel - keffres an g/Kernöwyon ha ga howetha - dhe voas lôwenek warbarth ha gwir, keniver onen, an eyl dh'y gila. Hen'ew rag dedh ha nos dhe'n lyha. Nag ew traveth, sos! Deun warbarth, alebma rag, na vo gerys Kernow tredh dowla an hager displegyoryon a venja 'y defolya rag crefny, rag mòna en üdnek ha rag gwayn bagas pur vian a düs. Nag on fethys, na whath diwethys. Thera nei òbma whath, cowetha, ha pur barys on dhe strivya, oll warbarth, rag Kernow own ha sosyal ha teg rag an nessa henath. Nei wra dallath strechya gan lithyow en 2015! Kewgh dhe redya:

https://www.facebook.com/pages/Its-Our-Cornwall/274653485930072

"Baner Peran, gwydn ha dû, otta va a ûhon, 
cuntelva rag oll an lû, token a'gan ehen. 
Dewgh, dewgh, na vedhow syger, cledh, dyhow, rag ha deler, 
mebyon a'gan mamvro, onen on hag oll...

Kenys gen Richat Gendall, pell a'n eur-ma. Moy, na ellama perry co(v).

Tuesday, 3 March 2015

Nag eus goon heb lagas...

Nag eus goon heb lagas na ke heb scovarn.

A Cornish proverb meaning, 'There is not a down without an eye nor a hedge without an ear.'

Rag hedna, kebmer with nag üjy neb onen o mires ort an peth es'ta kil en eur-ma!

Monday, 2 March 2015

Whilas Peran: Donald Rawe en Tremogh


1395090
Baner Peran, gwydn ha dû, otta va a ûhon...

Piw o Peran? Rag fraga ewa pedn sans an stenoryon ha'n Kernowyon? 
Pele veu genys ha pandra o y bow ha'y nacyon? 
Pana davas po tavosow era va clappya?
Wrüg ev, pur wir, doas dhe (g)Kernow dhort Werdhon war ven melin? 
Wrüg ev gorra oll an bobel ha'n bestas kekeffres dhe eva cor ha gwin ha medh? Ewa dhe les hedhyw?  

Mar medna whei godhvas moy dro dhe g/kensa binge drinker (lonker) ha surfer (mordartheran pow, kewgh dhe glöwes an clappyer Kernôwek a bris, Donald Rawe en Tremogh, mis Meurh an pempas jorna e'n Exchange Lecture Theatre

Pella derivadow a ell boas kevys dhort an ICS: cornishstudies@exeter.ac.uk